ކުއްޖާގެ ޙަޔާތުގެ ދެވަނަ މަހަކީ ހަލުވިކަމާއެކު ބޮޑުވުމާއި ތަރައްޤީވުން ފާހަގަކުރެވޭ މަހެކެވެ. މި ދުވަސްވަރު ތުއްތު ކުދިންގެ ޖިސްމާނީ، ވިސްނުމުގެ (ކޮގްނިޓިވް) އަދި ޖަޒުބާތީ (އިމޯޝަނަލް) ޤާބިލުކަމަށް ބޮޑެތި ބަދަލުތަކެއް އަންނަމުންދެއެވެ.
ޖިސްމާނީ ތަރައްޤީ
އުމުރުގެ ދެވަނަ މަހު ތުއްތު ކުދިންގެ ޖިސްމާނީ ތަރައްޤީގައި ފާހަގަކޮށްލެވޭ ކުރިއެރުންތަކެއް ފެނެއެވެ. ތުއްތު ކުދިންގެ ރިފްލެކްސްތަކާއި ހަރަކާތްތަކުގެ މައްޗަށް ރަނގަޅު ކޮންޓްރޯލެއް ހޯދަން ފަށާނެއެވެ. އަދި މިކަމުގެ ސަބަބުން ފައިން މޯޓަރ ސްކިލްސް ފާހަގަ ކޮށްލެވޭ ސްޕީޑެއްގައި ކުރިއަރައިގެން ދާނެއެވެ. ޖާނަލް އޮފް ޕީޑިއޭޓްރިކް ސައިކޮލޮޖީގައި ޝާއިއުކޮށްފައިވާ ދިރާސާއަކުން ދައްކާ ގޮތުގައި އުމުރުގެ ކުރީކޮޅު ތަރައްގީވަމުން އަންނަ މޮޓޯ ސްކިލްސް އަކީ ފަހުން އިތުރަށް އުނދަގު ހަރަކާތްތައް ތަރައްގީ ކުރުމަށް ވަރަށް މުހިންމު އެއްޗެކެވެ. ދެވަނަ މަސް ނިމޭއިރު ގިނަ ފަހަރަށް ތުއްތު ކުދިންގެ ބޮލުގެ ހަރަކާތްތައް ކުރުމުގައި ކުރިއެރުންތަކެއް ފެންނައިރު، މިއީ އެމީހުންގެ ވަށައިގެންވާ ދުނިޔެ ހޯދުމަށް މަގުފަހިކޮށްދޭ ކަމެކެވެ.
ފެނުމާއި ވިސްނުމުގެ ތަރައްޤީ
ދެވަނަ މަހަކީ ތުއްތު ކުއްޖާގެ ފެނުމާއި ވިސްނުމުގެ ޤާބިލުކަން ރަނގަޅުވާ މުއްދަތެކެވެ. ޖާނަލް އޮފް ޗައިލްޑް ސައިކޮލޮޖީ އެންޑް ސައިކިއޭޓްރީގައި ޝާއިއުކޮށްފައިވާ ދިރާސާއަކުން ދައްކާ ގޮތުގައި ދެ މަސް ދުވަހުގެ ތުއްތު ކުދިންނަކީ އެއްޗެއްސާއި މީހުންނަށް ނަޒަރު ހިންގާލުމުގެ ގާބިލްކަން ހުންނަ ކުދިންނެވެ. އަދި ގަދަ ކުލަކުލައިގެ އެއްޗިއްސާއި، މޫނުތަކަށް ޝައުގުވެރިކަން ބޮޑުވަމުންދާކަން ވެސް ފާހަގަކުރެވެއެވެ. ފެނުމުގެ މި ކުރިއެރުމާއި ވިސްނުމުގެ ތައްޤީއަކީ ވަރަށް ގާތުން ގުޅިފައިވާ ކަމެއް ކަމަށާއި، މިއީ ތުއްތު ކުދިން ދަންނަ މޫނުތައް ދެނެގަނެ، ލޮލަށް ފެންނަ އެކި އެކި ކަންކަން ތަފާތު ކުރަން ފަށާ ދުވަސްކޮޅެކެވެ.
މީގެ އިތުރުން ދެވަނަ މަހުގެ ތެރޭގައި ތުއްތު ކުދިން އެކުދިން ގެންގުޅޭ މާހައުލާ ގުޅުން އިތުރުވަމުންދާކަން ފާހަގަކުރެވެއެވެ. އިންފެންޓް ބިހޭވިއާ އެންޑް ޑިވެލޮޕްމަންޓްގައި ޝާއިއުކޮށްފައިވާ ދިރާސާއަކުން ދައްކާ ގޮތުގައި ތުއްތު ކުދިން އިޖުތިމާއީ ހިނިތުންވުން ދައްކަން ފަށަނީ، އެކުގައިއުޅޭ މީހުންގެ މުއާމަލާތްތަކަށް އުފަލުން ރައްދުދެމުންނެވެ. މި ފުރަތަމަކޮޅުގެ އިޖުތިމާޢީ މުޢާމަލާތަކީ ޖަޒުބާތީ ގުޅުމާއި އިޖުތިމާޢީ ހުނަރުތައް ތަރައްޤީކުރުމުގައި ވަރަށް މުހިންމު ދައުރެއް އަދާކުރާ އެއްޗެކެވެ.
އިހުސާސްކުރެވުމާއި ޖަޒުބާތީ ކުރިއެރުން (ސެންސަރީ އެންޑް އިމޯޝަނަލް ޑިވެލޮޕްމަންޓް)
ދެވަނަ މަހުގެ ތެރޭގައި ކުދިންގެ ހިއްސުތައް އިތުރަށް ތަރައްގީވަމުން ދެއެވެ. ޑިވެލޮޕްމަންޓަލް ސައިކޮބަޔޮލޮޖީގައި ޝާއިއުކޮށްފައިވާ ދިރާސާއަކުން ދައްކާ ގޮތުގައި ތުއްތު ކުދިން ވަކި އަޑުތަކަށް އިސްކަންދޭކަން ދައްކަން ފަށައެވެ. މިއީ އަޑުއިވުމުގެ ހިއްޞު ތަރައްޤީވަމުން އަންނަ ކަމުގެ ނިޝާނެކެވެ. މިމަހުގެ ތެރޭގައި އެކުދިންނަށް އެކިއެކި އަޑުތަކާއި އަޑުތައް ތަފާތުކުރުމުގެ ޤާބިލުކަން ލިބި، ބަހުގެ ތަރައްޤީގެ ބިންގާ އެޅިގެންދެއެވެ.
ޖަޒުބާތީ ގޮތުން ތުއްތު ކުދިން ފުޅާ ދާއިރާއެއްގައި އިޙްސާސްތައް ދައްކަން ފަށައެވެ. މިކަމުން އެކުދިންގެ އަމިއްލަ އިޙްސާސްތަކާއި އެހެން މީހުންގެ އިޙްސާސްތަކާމެދު އެމީހުންނަށް ވިސްނޭ މިންވަރު އިތުރުވަމުންދާކަން ހާމަވެގެންދެއެވެ. އަދި މި މަހުގެތެރޭގައި ކައިރީ އުޅޭ މީހުނާ މުއާމަލާތުކުރުމުގެ ގޮތުން ތަފާތު އަޑުތައް ލައްވަން ފަށައެވެ.
ނިދުމަށް އަންނަ ބަދަލުތައް
ދެވަނަ މަހު ގިނަ ފަހަރަށް ތުއްތު ކުއްޖާގެ ނިދުމަށްވެސް ބޮޑެތި ބަދަލުތަކެއް އަންނަކަން ފާހަގަކުރެވެއެވެ. ޖާނަލް އޮފް ސްލީޕް ރިސާޗްގައި ޝާއިއުކޮށްފައިވާ ރިސާޗަކުން ދައްކާ ގޮތުގައި ދެވަނަ މަސް ނިމޭއިރު ތުއްތު ކުދިން ރޭގަނޑު ތަންކޮޅެއް ގިނަ ވަގުތު ނިދަން ފަށައެވެ. ނަމަވެސް ރޭގަނޑުގިނައިން ގާތުން ދޭން ޖެހޭ ކުދިންނަށް އަވަސް އަވަހަށް ހޭލެވުން އެކަށީގެން ވެއެވެ.
ތުއްތު ކުއްޖެއްގެ ޙަޔާތުގެ ދެވަނަ މަހަކީ އެކި ދާއިރާތަކުން ހަލުވިކަމާއެކު ތަރައްޤީވަމުންދާކަން ފާހަގަކޮށްލެވޭ މުއްދަތެކެވެ. މޮޓޯ ސްކިލްސް އާއި ފެނުމުގެ ހިއްސުގެ ކުރިއެރުންތަކުން ފެށިގެން އެހެންމީހުނާއި ގުޅުން ބަދަހި ވުމުގެ ތެރެއިން ހިނިތުންވުމާއި އަޑުއަޑު ލައްވަން ފެށުމާއި، އަޑުތައް ވަކިކުރަން ދަސްކުރުން ހިމެނެއެވެ. މިމަރުހަލާއަކީ ތުއްތު ކުއްޖާގެ ހެދިބޮޑުވުމުގައި ވަރަށް މިފަދަ ވަރަށް މުހިންމު ކަންތައްތަކެއް ފެނިގެން ދާ މަހެކެވެ.
